تجربتي في الحصول علي منحة دراسية من جامعة شتوتغارت الالمانيه

img

 Universität Stuttgart

السلام عليكم ورحمة الله
كنت في سنوات صعبة وقاسية بس ابدا ما تخليت عن احلامي وامنياتي ورغبتي في التطوير والتعليم مستعينا بتوكل وثقة كبيرة في الله واستغفار يومي كتيييييير


البدايات :
العام 2012 من التخرج من الجامعة انا معجب جدا بالشغل الالماني في اي شي خصوصا الميكانيكي فتشتا في النت علي الجامعات المتخصصة في دراستي لقيت جامعة ميونخ وجامعة شتوتغارت بقيت اراسلهم واعرف اسماء الاساتذة واراسلهم

جامعة ميونخ طلبو مني الماني معدل B2 علي الاقل لمواصلة الطلب جامعة شتوتغارت طلبو مني معدل 6.5 في الايلتس علي الاقل والكلام دا في نهاية العام 2013 دخلتا في تحدي مع نفسي وبديت ادرس انجليزي بنفسي  انزل فيديوهات من النت واسمعها اقراء صحف ومجلات وروايات انجليزي وجمبي المترجم اتابع البي بي سي

وابدا ماوقفتا من التقديم لكل المنح من العام 2012 وحتي بدون انجليزي اي منحة بلقاها برسل ليهم طوالي واحاول حتي اكسب خبرات ومهتم جدا اني اسال اي زول معاي وجمبي عن كيفية حصولو علي المنحة وبهتم بي ادق التفاصيل ..
المهم بقيت خبرة وتقريبا عرفتا كل اسباب الرفض والقبول اهمها :

ماتكون تقليدي ابدا  في مليار متقدم للمنح عندهم طريقة واحدة للتقديم يفتح الكمبيوتر ويرفع اوراقو والسلام ! كدا حتنافس مع المليار كيف !؟ خليك متميز !؟

اعرف انت عايز شنو بالضبط في ناس كتار بيقدم لاي منحة اي شي والسلام دا غلط التخصص مهم جدايعني مثلا اذا انت خريج هندسة ماتمشي تقدم لمنحة في ادارة الاعمال ليه !؟

اولا : ناس ادارة الاعمال لوحدهم كتار جدا

ثانيا : الاستاذ او المشرف البيراجع ورقك متخصص  وحيعرف انك عايز اي منحة وبس دي اول نقطة لرفضك ..

ثالثا : خليك لحوح جدا  انا استفدتا من تجربة زميل حكي ليا انو قدم لجامعة ميونخ خمسين طلب التحاق في ستة سنوات
وراسل اغلب اساتذة الجامعة لدرجة انو لما وصل للجامعة لقي كل الاساتذة منتظرين يشوفو الزول العجيب دا

خلي طموحك واصرارك والحاحك عالي ومتكرر كتير ماتقدم مرة واحدة وتقنع وتستسلم لواقعك وترضي بالهزيمة .. في العام 2013 كملتا تزبيط الايلتس الانجليزي ومشيت امتحنتو  في المرة الاولي جبتا 5  وعرفتا انا غلطتا وين والنقص جاء من وين بالضبط امتحنتا تاااااني وجبتا فيهو 7 طوالي عملتا فورم قوي وفريد وشامل مع فيديو في جو هادي خليت الخلفية بتاعت الفيديو السيموفونية التاسعة انشودة الفرح بيتهوفن ورفعتا الفيديو في ايميل الاستاذ المشرف ( فيديو مطلوب من خمسة دقايق تتكلم فيهو عن نفسك وليه اخترتا المانيا للدراسة ) ورفعتا كل اوراقي معاهو رسلو ليا طلب خطابين تزكية من اساتذة جامعيين ..

راسلتا عدد من الاساتذة السودانيين وماقصرو ابدا لقيت اكتر من 2 رفعتا التذكيات فورا طلبو مني اثبات مقدرة مالية في حالة تعثر المنحة المجانية ( دا اختبار لمعرفة مدي قدراتك المالية )

طلبو مني ارسال صور ملونة لجوازي بعد شهرين من اخر تواصل وصلني القبول في نهاية العام 2014  وطلبو مني مراجعة السفارة الالمانية لمقابلة القنصل للحصول علي التأشيرة مشيت قبل الموعد ودخلتا وانتظرتا دوري

تجربتي في الحصول علي منحة دراسية من جامعة شتوتغارت الالمانيه

وسالني سؤالين

هل عندك النية تستقر للعيش في المانيا قبل او بعد المنحة ؟!

قلت ليهو ابدا ماممكن استقر في المانيا انا ذاهب للدراسة وبس

ليه اخترت المانيا للدراسة ؟!

اقرا ايضاء :

قلت ليهو عشان المانيا فنيا احسن دولة في العالم في مجال دراستي شكرني وسلم عليا وودعني طلعتا من عندو بعد يومين اتصلو عليا وطلبو مني احضار جواز سفري سلمتو ليهم وبعد اسبوعين اتصلو عليا عشان امشي استلمو مشيت وانا بستغفر الطريق كلوووو والحمد لله استلمتو جاهز والتأشيرة منورة فيهو رسلتا صور الجواز والتأشيرة للاستاذ الالماني لحد الوقت دا انا خايف من القبول بي فلوس وانا عارف انو البلد غالية وانا ماعندي اي طريقة شغل هناك..

( ممنوع العمل بتأشيرة سياحة او دراسة , ممكن تاخذ تصريح عمل مؤقت 3 شهور في السنة وفي ظروف خاصة جدا ) رسلو ليا طلبو مني ارسل ليهم التذاكر علي مطار شتوتغارت حجزتا بي اللوفتهانزا ورسلتا ليهم صورة التذاكر ..



وصلتا مطار شتوتغارت بعد رحلة طويلة 9 ساعات بعد توقف ساعة في مطار فرانكفورت ولقيت في استقبالي مندوب من الجامعة بسيارة وصلوني الي سكن جامعي جميل جدا قريب من الجامعة استديو صغير واعطاني جهاز موبايل برقم وكتيب فيهو ارشادات وخريطة لمواقع السوبر ماركت والقطارات والاسعار وبطاقة عليها صورتي واسمي طلب مني المندوب كتابة عدد من الاحتياجات المنزلية الحالية بعد ساعتين وصلتني الحاجات كلها حتي الموية النسيتها وصلت مع الاغراض ..

تاني يوم اتصل عليا الاستاذ المشرف للترحيب وطلب مني اكون معاهو في الجامعة الساعة كدا وكرر ليا الكلام لازم الساعة كدا بالضبط تكون قدام مكتبي ( سمعتنا في ضياع الزمن عالمية ) مشيت وقابلتو ورحب بيا جدا وانو كان في السعودية واتعامل مع اساتذة سودانيين وكانو تمام معاهو جدا وقراء للطيب صالح ( رحمك الله رحمة واسعة وغفرالله لك واسكنك فسيح جناتو )

واعطاني كرتو فيهو كل ارقامو وجدول محاضراتو ووجهني لمكتب شئون الطلاب طبعو ليا برنامج دراستي واعطوني ايميل ورقم جامعي للمراسلات ودخول المكتبات والمعامل اتصل عليا المندوب الجامعي وسلمني بطاقات ذكية فيزا وهوية وكلمني انو حدودي المالية 200 يورو شهريا ( كانت اكتر من كافية ليا للمعيشة والاتصال ) والبطاقة فيها تأمين صحي حكومي مجاني ومواصلات عامة مجانية ..

 

وبديت الدراسة والتدريب  وكان برنامج ضاغط جدا جدا من الجامعة للمعهد والعكس وبس  النوم ستة ساعات في اليوم حتي في الاجازات كنت بكون بقراء وبحضر 9 شهور ماطلعتا من حدود السكن والجامعة والمعهد وبس وكانت سنة جميلة جداا

 

المانيا دولة متقدمة بالعلم والحرص علي الزمن والصدق اهم شي عندهم الصدق واحترام الزمن متعنصرين جدا لي لغتهم شعب ودود ومحترم وجادي جدا

( نفس البروف الالماني الكان مشرف عليا في جامعة شتوتغارت رشحني لمنحة السنة الجاية 2017 للدكتوراة في جامعة الملك عبدالله للعلوم والتقنية السعودية والحمدلله اكملتا كل متطلبات القبول وهو أستاذ زائر فيها ) والحمدلله من قبل ومن بعد

نصيحة عن تجربة وتجارب اصدقاء دائما خلي جمبك ومعاك الناس الطموحين المتفائلين خيرا البيقول ليك مابتقدر ومستحيل وماحياخذوك وانت وين وديل وين ! النوع دا من البشر خليهو زول سلام وبس محطة واحدة معاك !
وشكر خاص للصديق المهندس احمد محمد سليمان الان سوبر فايزر في مصنع تايوتا اندونيسيا ..
الصديق احمد من راتب 190 جنية سوداني شهريا (في خصومات شهرية وعادي ممكن الراتب يوصلك خمسين جنية ) في شركة الهدف وبيشتغل ليل والصباح يكون في المدرج وحكي ليا انو كان لما يكون جيعان ومفلس بيشتري عيشة ومن اقرب زير بيشرب عليها موية ويحمد الله ويواصل في طريقو قصتو دي بقدر ما زعلتني علي تفريطي واهمالي حفزني للعلم والتعلم والصبر ماف زول يتحجج بالظروف الصعبة والمسئوليات ابدا ابدا

ونصيحة اخيرة لكل الخريجين الجدد وطلبة الجامعات اذا عايز تلقي شغل تمام ومحترم اوعك تفتكر البكالريوس نهاية التعليم وتعرش علي كدا اوعك وباالذات العايزين يشتغلو خارج السودان ماتطلع بالبكالريوس وتجري جري ماتمشي تفتش للوظيفة خلي الوظائف تجيك لحد عندك كيف ؟؟؟

انجليزي ممتاز واذا امتحنتا ايلتس او توفل بيكون احسن وافضل اعمل خبرات حتي لو تشتغل مجانا ماجستير متخصص بفلوسك او عن طريق المنح السنوية كدا انت الاول ان شاء الله

 

 

تجربتي في الحصول علي منحة دراسية من جامعة شتوتغارت الالمانيه

معلومات عن جامعة شتوتغارت :
هي جامعة حكومية في مدينة شتوتغارت/ مقاطعة بادن-فورتمبرغ
TU9 وهي عضو في جمعية الجامعات التقنية الالمانية التسعة وتضم هذه الجمعية كلاً من :

جامعة آخن التقنية
جامعة برلين التقنية
جامعة براونشفايغ التقنية
جامعة دارمشتات التقنية
جامعة دريسدن التقنية
جامعة لايبنيتس هانوفر
جامعة كارلسروهي التقنية
جامعة ميونيخ التقنية
جامعة شتوتغارت

وتعتبر جامعة شتوتغارت من الجامعات الشهيرة في جمهورية ألمانية الإتحادية تأسست عام 1829م ويرأسها منذ عام 2006 فولفرام ريسيل

عنوان جامعة شتوتغارت :

تجربتي في الحصول علي منحة دراسية من جامعة شتوتغارت الالمانيه

Universität Stuttgart
Keplerstraße 7
70174 Stuttgart
Deutschland

Telefon: ++49 (0)711/685-0

Fax: ++49 (0)711/685-82113

www.uni-stuttgart.de


كليات جامعة شتوتغارت

الهندسة المعمارية والتخطيط الحضري
الهندسة المدنية والبيئية
الكيمياء
الطاقة، والهندسة البيولوجية
علوم الكمبيوتر والهندسة الكهربائية وتكنولوجيا المعلومات
هندسة الطيران والجيوديسيا
الميكانيك/التصميم والتصنيع وتكنولوجيا المركبات
الرياضيات والفيزياء
كلية العلوم الإنسانية
العلوم الاقتصادية والاجتماعية

من أشهر خريجي جامعة شتوتغارت :
غوتليب دايملر > سيارات مرسيدس
كارل مايباخ     > سيارات مايباخ

 

الجامعة بالأرقام :

عدد الطلاب 2013

الأجانب 5223

الإجمالي 26457

توزيع الطلاب حسب الجنسية

الصين 1015

تركيا 596
الهند 230
تونس 158

جنسيات عربية وافريقية اخري 300

 

ميزانية الجامعة مليون  220 € عام 2014

 

ترتيب جامعة شتوتغارت حسب كيو إس

  248 QS-World University Rankings 2013

الرسوم الجامعية

Euro 149,45

الرسوم الجامعية للفصل الدراسي الواحد

Euro 195,60
بطاقة المواصلات العامة للفصل الدراسي

StudiTicket

تكاليف النفقات الشهرية

220-330 euro

الإقامة
80 euro

التأمين الصحي
150 euro
الطعام

100 euro
مصروفات عامة

35 euro

بطاقة المواصلات العامة للفصل الدراسي

StudiTicket

Euro 195,60

35 euro/بالشهر

ويمكن القول أن الطالب يحتاج حوالي 700 يورو شهرياً، حسب مصادر الجامعة

بماذا تشتهر جامعة شتوتغارت؟
أخترعت فيها في ستينات القرن الماضي طريقة تحليل العناصر المنتهية
Finite element method والتي تسمى بالإنكليزية وهي طريقة تحليل عددي لإيجاد الحلول التقريبية للمعادلات الرياضية التفاضلية الجزئية وتستخدم هذه الطريقة في مجالات كثيرة منها :
الهندسة الميكانيكية / تصميم وتطوير الطائرات والسيارات
علم الترموديناميك، تدفق السوائل/ تصميم الغواصات مثلاً
الهندسة الكهربائية/ دراسة توزع وانتشار الأمواج الكهرطيسية
الهندسة المدنية/ تصميم الجسوروالمنشآت

معلومات عن مدينة شتوتغارت الالمانيه :
يبلغ عدد سكانها 600 ألف نسمة وتقع في منطقة منخفضة تشتهر بكروم العنب وبمناخها المعتدل نسبياً
كما تشتهر المدينة بكونها معقلاً لشركات ألمانية عملاقة ولعل أشهرها على الإطلاق شركة مرسيدس بنز وشركة بوش الكهربائية وتشتهر المدينة أيضاُ بصناعة النسيج والصناعات الغذائية والآلات والأجهزة الدقيقة ويوجد في شتوتغارت حوالي 300 دار للطباعة والنشر


حقوق الكتابه محفوظه لـ عثمان ابوعبيده

الكاتب Mohammed Ali FaYez

Mohammed Ali FaYez

محمد علي فايز : كاتب مقالات وناشر وظائف

مواضيع متعلقة

تعليق واحد على “تجربتي في الحصول علي منحة دراسية من جامعة شتوتغارت الالمانيه”

اترك رداً